අප රටේ ජනතාව නොයෙක් ජාවාරම්කරුවන්ගේ ග්‍රහණයට හසු වීම නිසා ඔවුන්ගේ විදෙස්
සිහිනය සිහිනයක් වී පවතී. අපිට බොහෝ ජනතාවක ගෙන් අසන්නට ලැබුණු දුක වෙනුවෙන්
යම් ආකාරයකට හෝ පිහිටක් වීමේ අරමුණින් මෙම වැඩ සටහන ක්‍රියාත්මක කරන්නට හේතු
විය.
රටක් විදියට නැගිටින්නට විදෙස් විනිමය විශාල රුකුලක් වෙමින් පවතී. එම නිසා ඔවුන්ගේ
ආරක්ෂාව වෙනුවෙන් ඔවුන් මුහුණ දෙන ගැටළු වෙනුවෙන් සරණක් වීමට අපි මේ වැඩ සටහන
ක්‍රියාත්මක කරන්නට අදහස් කරන අතර ඒ සදහා ඔබ හැමෝගෙම සහයෝගය සෑම රටකින්ම
අපි බලාපොරොත්තුව සිටිමු.
අපි සෑම විටම අපේ ජනතාව ජාවාරම් කරුවන්ගෙන් මුදවා ගැනීමට උත්සාහ කරයි. ඒ සදහා
අපිට ඔබ හැමෝගෙම සහයෝගය ලැබෙනු ඇතැයි අපි විශ්වාසයෙන් ඔබ ගැන බලාපොරොත්තුව
සිටියි.
විදෙස් රටක රැකියාවක් නොමැති වීම හා ජාවාරම් කරුවන්ට හසු වී ඔබව තව තවත් අසරණ වීම
හේතුවෙන් තවත් අපේ ජනතාව ජිවිතෙන් පවා වන්දි ගෙවූ අවස්ථා ඕනෑ තරම් දකින්නට
අසන්නට ලැබී ඇත. මින් ඉදිරියට අපි එවැනි අවස්ථාවන් තුළින් ඔවුන් මුදවා ගැනීමක් සිදු කළ
යුතුය.
අපි කුමන රටක හිටියත් අපි කුමන ආගමක් ඇදහුවත් අපි කුමන ජාතියක වුවත් සැබවින්ම ශ්‍රී
ලාංකික දරුවන් විදියට එකිනෙකට උදව් උපකාර කරගෙන අවශ්‍ය වූ විට පිහිට වීමෙන්, ඔවුන්ට
ඇති ප්‍රශ්න වලට උත්තර සොයා දෙන්නට උත්සාහ කල යුතුය.
විදෙස් ගත ඔබට හෝ විදෙස් ගත වීමට අදහස් ඇති ඔබට හැකි සෑම අවස්ථාවකදීම ඔබගේ
ගැටළු වලට ඔබගේ ප්‍රශ්න වලට පිළිතුරු සෙවීමට අපි ඔබ සමග නිරතුරුවම බැදී සිටියි.
ඔබගේ ප්‍රශ්න ගැටළු අපිත් එක්ක කතා කරන්න ඔබට අපි හැකි ආකාරයෙන් විසදුම් ලබා දීමට උත්සාහ කරන්නෙමු.
